20 сентября 2018 года в Варшаве скончался известный журналист и преподаватель языка идиш д-р Коби Вайцнер. Он умер скоропостижно, от кровоизлияния в мозг, в возрасте 67 лет.
Коби родился в Тель-Авиве в семье репатриантов из Польши, уцелевших в Катастрофе. Он активно участвовал в культурно-просветительской деятельности на идиш в Израиле, Польше и других странах. Так, в прошлом году он работал лектором на семинаре для израильских учителей, организованном Международным идиш-центром при Всемирном еврейском конгрессе в Вильнюсе.
С 2000 года Коби Вайцнер регулярно печатался в нью-йоркской газете на идиш "Форвертс". На сайте газеты опубликован некролог.
דאָנערשטיק, דעם 20סטן סעפּטעמבער האָבן מיר אין דער פֿאָרװערטס־רעדאַקציע באַקומען די שאָקירנדיקע בשׂורה אַז אונדזער לאַנג־יאָריקער קאָרעספּאַנדענט אין װאַרשע, ד׳׳ר קאָבי װײַצנער, איז פּלוצלינג ניפֿטר געװאָרן פֿון אַ מוח־אַטאַק. ער איז געװען 67 יאַר אַלט.
קאָבי איז געװען אַ װיכטיקע פֿיגור אויף דער ייִדישער גאַס אין װאַרשע. ער האָט געדינט װי דער ליטעראַרישער דירעקטאָר פֿונעם „מלוכישן ייִדישן טעאַטער אויפֿן נאָמען פֿון אסתּר־רחל קאַמינסקאַ און אידאַ קאַמינסקאַ‟ און געלערנט ייִדיש־קלאַסן בײַם „צענטער פֿון ייִדישער קולטור‟, װאָס געפֿינט זיך אויך בײַם טעאַטער.
דערצו איז ער געװען דער רעדאַקטאָר פֿונעם ייִדיש־שפּראַכיקן אָפּטײל אין דער װאַרשעװער צײַטונג, „דאָס ייִדישע װאָרט‟ (Słowo Żydowskie).
אין זײַנע ראַדיאָ־באַריכטן פֿאַרן פֿאָרװערטס האָט קאָבי באַשריבן אויף אַ לעבעדיקן אופֿן אַלע געשעענישן װאָס קומען הײַנט פֿאָר אין פּוילן אין שײַכות מיט דער ייִדישער שפּראַך און קולטור װי, למשל, דער באַשעװיס־פֿעסטיװאַל מיט עטלעכע װאָכן צוריק
ער האָט אָבער זיך אויך נישט געקװענקלט צוצוגעבן זײַן אײגענע מײנונג, בפֿרט װען ער האָט געהאַלטן אַז מע טוט נישט גענוג פֿאַרן ייִנגערן דור אין װאַרשע. ער האָט ספּעציעל באַדויערט װאָס מע לערנט נישט קיין ייִדיש אין די אָרטיקע ייִדישע טאָגשולן, און װאָס דער װאַרשעװער צװײַג פֿון „השומר הצעיר‟ טוט װײניק אויף פֿאַר די יונגע מיטגלידער ־ בפֿרט אַז זײַן אײגענער טאַטע איז פֿאַרן חורבן געװען אַן אַקטיװער מיטגליד פֿון „השומר‟ אין װאַרשע.
ער איז אויך געװען אַן איבערגעגעבענער משפּחה־מענטש און שטאָלצירט מיט זײַן פֿרוי, אָלאַ און דרײַ קינדער – חנה, 11 יאָר אַלט; קובאַ, 10 יאָר און שׂרה, 6 יאָר.
קאָבי איז געבוירן געװאָרן אין תּל־אָבֿיבֿ דעם 24סטן מאַרץ 1951 בײַ עלטערן פֿון לעמבעריק (לװאָװ) און סקאַלעט, אוקראַיִנע, און האָט געדינט אין צה"ל בעת דער ערשטער מלהמה מיט לבֿנון. װי אַ יונגערמאַן האָט ער זיך פֿאַרליבט אינעם ייִדישן טעאַטער און אין 1984 האָט ער באַקומען אַ דאָקטאָראַט אין טעאַטער־ און ייִדיש־שטודיעס פֿון העברעיִשן אוניװערסיטעט. אין 1997 איז ער געקומען װי אַ גאַסט־פּראָפֿעסאָר אין קאָלאָמביע־אוניװערסיטעט און אין יאָר 2000 איז ער געװאָרן אַ מיטאַרבעטער און שרײַבער פֿאַרן פֿאָרװערטס.
ער איז אויך געװען אַן איבערזעצער פֿאַרן פֿילם „די װילנער פּאַרטיזאַנער‟ אין 1986.
אין 2005 האָט ער זיך באַקענט מיט אָלאַ אין סראָדבאָראָ בעת אַ ייִדיש־סעמינאַר. „ייִדיש איז טאַקע געװען די זאַך װאָס האָט אונדז פֿאַרבונדן,‟ האָט אָלאַ געזאָגט דעם פֿאָרװערטס. „ער איז געװען דער שעפֿערישסטער מענטש װאָס כ'האָב אַ מאָל געקענט - געזונגען, געצײכנט, געשריבן פּיעסעס און זײ אינסצענירט. איך בין תּמיד געװען גיכער אַ פֿאָרשער, נאָר ער איז טאַקע געװען אַ קינסטלער.‟
קאָבי װעט באַערדיקט װערן מיטװאָך, דעם 26סטן סעפּטעמבער אינעם אָקאָפּאָװער בית־עולם אין װאַרשע.
